Шок за Барселона: “Камп Ноу” протече

Обновениот “Камп Ноу” е гордост на Барселона и проект кој одземал многу време и средства на каталонскиот клуб – близу милијарда и пол евра. “Блаугранас” веќе се вратија во новата своја куќа, но се покажа дека сè уште не е сè совршено.

Ова се забележа за време на вчерашното домаќинство против Овиедо (3:0), кога над Барселона заврна пороен дожд. Тоа откри сериозни пропусти во одбраната и инфраструктурата на стадионот, бидејќи водата продираше низ покривните и страничните делови на стадионот, истекувајќи по трибините и коридорите. Тоа ги принуди фановите на Барселона да бараат засолниште и да избегнуваат поплавените делови на објектот.

Оваа сцена ги шокираше сите присутни. Стадионот, кој само пред неколку месеци беше свечено отворен по обемна реконструкција, требаше да биде симбол на модернизација и квалитет. Наместо тоа, дождот многу брзо ги откри најслабите негови места.

Реконструкцијата на “Камп Ноу” е дел од огромен проект, познат како “Еспаи Барса”. Вредноста на проектот се проценува на околу 1,5 милијарда евра, а целта беше легендарниот стадион да се претвори во еден од најмодерните во Европа.

This is a condition of the New Camp Nou, btw 😭😭😭 pic.twitter.com/zbbk8AdYyd

— Dr Јаш  (@ЈашРМФЦ) 25 јануари 2026