Шкотите ќе имаат проблем во Бостон, снемува пиво!

Шкотските навивачи во текот на Светското првенство консумирале огромни количини алкохол, до тој степен што некои барови во Бостон останале целосно без залихи, известуваат американските медиуми.

Шкотските фанови поминале одлично изминатата недела во Бостон. Армијата на тартанот го зазела градот, уживајќи во пабовите и рестораните, славејќи низ целиот град по победата над Хаити (1:0) во сабота, додека во недела со марш тргнале кон бејзбол натпреварот на Ред Сокс на стадионот Фенвеј Парк.

Тие испиле и неверојатни количини пиво. Толку многу, што некои бостонски барови останале без залихи, пишува NBC News.

Познатата локална пиварница „Сем Адамс“ објавила дека нивната главна пивница за време на викендот целосно останала без прочуениот „Бостон лагер“. Шкотите во помалку од четири дена испиле четири пати повеќе пиво отколку обично се продава во Бостон за време на најголемиот американски празник, Денот на независноста (4-ти јули). Управата на пиварницата во сабота наутро била принудена да организира итни испораки со камиони за да може воопшто да им ги отвори вратите на навивачите.

Уште поинтензивна била ситуацијата во култниот бар „Хенеси“’s во центарот на градот.

„Работиме тука повеќе од 30 години и никогаш, ама баш никогаш не сме виделе нешто слично! Продажбата ја утроивме во споредба со Денот на Свети Патрик, кој инаку ни е најпрометниот ден во годината, а во недела вечерта во објектот не остана ниту едно пиво“, изјави директорката на барот /p>

Гостинските објекти во Бостон немаат многу време за одмор. Локалните власти апелираат сите барови итно да обезбедат дополнителни резерви, бидејќи веќе во петок Шкотска го игра својот следен натпревар на Мундијалот против Мароко, а стадионот во Фоксборо ќе биде преполн со навивачи во килтови.