Се најде ли вистинското решение? Три причини зошто Јувентус треба да го задржи Тудор

Фудбалерите на Јувентус доживеаја стабилизација на играта откако кон крајот на март Игор Тудор седна на клупата на најтрофејниот италијански клуб како привремено решение по заминувањето на Тијаго Мота, а само три натпревари беа доволни за јавноста да дојде до заклучок дека Хрватот е трајно решение за клупата на “Старата дама”.

Кога пристигна во клубот во кој како фудбалер го помина поголемиот дел од кариерата, Тудор потпиша договор до крајот на сезоната со опција за продолжување во случај да се исполнат целите, меѓу кои највисоко место зазема пласманот во Лигата на шампионите.

Победите против Џенова и Лече и ремито на “Олимпико” против Рома се покажаа како доволни за изведување на заклучокот дека Тудор е вистинскиот, а италијанскиот печат близок до Јувентус ги наведува причините зошто треба да остане и по летото.

Првата причина секако се резултатите и јасно е дека сè ќе зависи од нив на крајот на сезоната и дека разделбата е сосема извесна ако не се избори Лигата на шампионите.

Втората причина е тактичка и се однесува на неспорниот напредок во играта во однос на периодот кога тимот го водеше Тијаго Мота, што најдобро се огледа во поцврстата одбрана и брзата транзиција, фактори кои очигледно даваат резултати.

На крај, третата причина е најочигледна со оглед на Душан Влаховиќ, и се однесува на комуникацијата на Тудор со соблекувалната, каде што повеќе од јасно е дека нема повеќе „лоша крв“ која создаваше големи поделби во клубот.

Тудор сето тоа го успеа да го стави под контрола, а во случајот на Влаховиќ јасно се гледа каков ефект има тоа на српскиот голгетер и целиот тим.

Сето наведено има голем смисол и доколку го следи Јувентус до крајот на сезоната, голема е веројатноста дека ќе го гледаме Тудор и по летото.

Среќна околност е што Јувентус освен гостувањето на Лацио и Болоња има сосема солиден распоред до 25 мај кога е планирано спуштање на завесата на сезоната во Италија, со што се отвора уште поголем простор Тудор да остане за постојано.