Реал го продолжи договорот со Асенсио и му залепи „етикета“ од една милијарда

Раул Асенсио го продолжи договорот со Реал Мадрид до 2031 година, објавува „Ас“.

Освен тоа, откупната клаузула му се зголеми на 1 милијарда евра, со која можат да се пофалат и други играчи како Винисиус Жуниор и Џуд Белингам.

22-годишниот Шпанец одигра 42 натпревари за Реал Мадрид во минатата сезона, а неговиот предходен договор со клубот истекуваше во летото 2026 година.

Младиот играч на „белите“ веќе е репрезентативец на Шпанија, иако сѐ уште нема дебитирано за европските шампиони.

Во моментов Асенсио се подготвува со Реал за учество на Светското клупско првенство, кое ќе започне на 18 јуни.