Преговорите меѓу Челси и Манчестер Јунајтед за трансферот на Алехандро Гарначо на „Стамфорд Бриџ“ напредуваат и договорот е близу, информира трансферниот експерт Фабрицио Романо.
Зошто проблемот со улични кучиња СÈ УШТЕ постои? | Уште еден поткаст
Аргентинецот одамна реши дека единствениот трансфер што ќе го прифати ќе биде во Челси. Поради таа причина во последните 48 часа тој одби понуда од Баерн Минхен.
Според Романо, односите меѓу главниот извршен директор на Манчестер Јунајтед Омар Берада и управата на Челси се многу добри, што ќе ја олесни зделката.
„Црвените ѓаволи“ бараа околу 50 милиони фунти за 21-годишното крило, но Лондонците дефинитивно немаат намера да ја платат таа сума и го оценуваат играчот на 30 милиони. Веројатно двата клуба ќе се договорат некаде на средина.
Гарначо веќе се договори со Челси за своите лични услови. Аргентинецот одигра вкупно 144 натпревари за Јунајтед, постигна 26 голови и направи 22 асистенции.
Учество во игри на среќа е дозволено за лица со 18+ години. Играј одговорно!