Познат е и вториот учесник на Светското првенство (Видео)

Фудбалерите на Нов Зеланд утринава се пласираа на Светското првенство 2026 година.

Во финалето на квалификациите во зоната Океанија, тие ја совладаа селекцијата на Нова Каледонија во Окланд со резултат 3:0.

Стрелци беа Мајкл Боксал во 62. минута, Коста Барбарусес во 66. минута и Илајџа Џаст во 80. минута.

Нов Зеланд е втората репрезентација која официјално, преку квалификации, се пласираше на Светското првенство, по Јапонија во Азија. Секако, учество на светскиот шампионат имаат обезбедено и трите домаќини на турнирот – САД, Мексико и Канада.

Петти пат по ред Новозеланѓаните ги освојуваат квалификациите во Океанија, а Светското првенство 2026 година ќе им биде трето во историјата, по натпреварите во 1982 година во Шпанија и 2010 година во Јужна Африка.

Just makes it 3-0! 🇳🇿💪 pic.twitter.com/dHmznDmAmg

— New Zealand Football 🇳🇿 (@NZ_Football) March 24, 2025