Потврдено: Швајцарија била оштетена против Аргентина!

Меѓународниот одбор на фудбалски асоцијации (ИФАБ), органот кој ги одредува правилата на играта, објави објаснување за употребата на ВАР технологијата за време на Светското првенство со што започна нова дебата за една од најконтроверзните судиски одлуки на турнирот.

Според објаснувањето од ИФАБ, ВАР може да се користи во случаи на погрешна идентификација на играчот кој добил жолт картон, но не и за преиспитување или поништување на дисциплинската одлука.

“Жолтиот картон, кој не е втор жолт картон, може да се прегледа само за доказ за идентитетот на казнетиот играч. Самиот прекршок не може да биде предмет на преглед или измени”, се наведува во објаснувањето на IFAB.

Ова толкување ја постави под знак прашалник одлуката донесена на четвртфиналниот натпревар меѓу Аргентина и Швајцарија, кој заврши со победа на Аргентина од 3:1.

На тој натпревар, судијата првично покажа жолт картон на Леандро Паредес за прекршок над Бреел Емболо. По интервенција на ВАР, беше заклучено дека имало грешна идентификација, па картонoт на Паредес беше поништен. Истовремено, Емболо беше казнет за симулирање, што му беше втор жолт картон на натпреварот и автоматски беше исклучен.

Сепак, според новото објаснување на ИФАБ, таквата одлука не била во согласност со правилата. ВАР можеше да реагира само ако се работеше за погрешно идентификуван играч каде што добил картон, но немаше овластување да ја менува причината за казната или да ја замени првобитната дисциплинска одлука со нова.

Embolo не требаше да биде исклучен против Аргентина ➡️ https://t.co/t8UZfxdjk5

IFAB, кој ги регулира правилата на играта, издаде соопштение за злоупотреба на VAR за време на Светското првенство. Официјалното тело истакна дека видеото може да интервенира во случај на грешка за идентитетот на играчот… pic.twitter.com/IAqJOIADGH

— L’Équipe (@lequipe) July 28, 2026