Потрес во Мадрид! Момчето на Реал би можело да заигра за Атлетико!

Момчето на Реал Мадрид, Мигел Гутиерес, е пред враќање во шпанската престолнина, но нема да игра за „кралевите“, туку за градскиот ривал Атлетико, извести новинарот Серхио Валентин од „Марка“.

„Јорганџиите“ постигнале устен договор со левиот бек, кој сега игра за Жирона. Според информациите, Мигел е возбуден да игра за Атлетико и затоа го прифатил трансферот.

Реал Мадрид има клаузула за откупување на Гутиерес од Жирона, но нема да ја искористи. Шпанецот се приклучил на Ла Фабрика на 10-годишна возраст и поминал низ сите селекции, достигнувајќи го и првиот тим на Реал.