Поранешната трета тенисерка во светот сака да остави сè за да се бори за Украина

Уште нема мир меѓу Украина и Русија по конфликтот кој почна во 2022 година, а украински спортисти се приклучуваа во меѓувреме во борбите.

Познатата украинска тенисерка Елина Свитолина е подготвена да остави сè и да оди во војна, за што зборуваше во Индијан Велс после победата во третото коло против Данијела Колинс – 6:2, 6:4.

„Би отишла во војна. Сигурно. Но мислам дека вака повеќе придонесувам отколку да сум на фронтот“, изјави во интервју за германски „Билд“. „Собрав повеќе од 1,5 милион евра за мојата земја во последните три години. Мислам дека тоа е покорисно отколку да сум на фронтот со оружје. Многу од нашите војници не добија ни основна обука кога мораа да земат оружје и да ја бранат татковината. Покрај тоа имам семејство, па не сум во ситуација да заминам во војна“, потсети дека неодамна стана мајка.