Понуда поради која Нико Паз би можел експресно да замине од Мадрид?!

Нико Паз ова лето ќе се врати во Реал Мадрид, но би можел експресно да се врати назад во – Италија!

Доверливи аргентински извори тврдат дека Интер сериозно е заинтересиран за него и дека би го откупил од Реал Мадрид. Мадридскиот клуб има право ова лето да го откупи за само 9 милиони евра, што е вистинска ситница кога се зема предвид колку вреди Нико Паз денес.

Се шпекулира дека Интер би можел да плати и над 60 милиони евра за неговиот трансфер, но во Реал прво сакаат да видат дали ќе се вклопи во системот на новиот тренер.

Не е тајна дека Алваро Арбеола ќе го напушти клубот на крајот од сезоната, не ги исполни очекувањата, клановите во соблекувалната пак го надвијаа тренерот и затоа новиот избор е многу важен.

Што се однесува до Паз, тој исто така мора да размисли што е најдобро за неговата кариера, бидејќи конкуренцијата во Реал е најблаго речено паклена. На позицијата офанзивен играч или десно крило каде што би можел да игра слично како Браим Диаз оваа сезона, веќе се и Џуд Белингем и Арда Гулер, така што никој не може да му гарантира на Паз сигурни минути и важна улога.

Од друга страна, Интер се подготвува за комплетна реконструкција на тимот, и покрај освоеното Скудето. Хенрик Мхитарјан е ветеран и заминува, Хакан Чалханоглу веќе е во години, Николо Барела значително падна во форма, така што Интер итно има потреба од свежа крв во средниот ред.