„Помина возот“: Араухо сега не чини 60 милиони туку многу повеќе

Роналд Араухо е еден од најважните фудбалери на Барселона, а добрата вест е што сега веќе не важи неговата клаузула за откуп од 60 милиони евра.

Кој сакаше да го ангажира уругвајскиот дефанзивец, пропушти идеална можност. Од 1-ви до 15-ти јули имаше „попуст“ во форма на клаузула од 60 милиони евра.

Меѓутоа, бидејќи никој не се јави и обезбеди трансфер до тој рок, таа е вратена на првичната сума. А таа изнесува значително повеќе – милијарда евра!

Јасно е дека никој нема да плати толкаво обесштетување, но што е најважно за Барселона е дека сега таа ја води играта. Имено, Араухо има важечки договор до 2031 година, па на Каталонците дефинитивно не им е итно евентуалната продажба.

Фото: Принтскрин