Официјално – Џеко се врати во Серија А

Босанскиот фудбалер Един Џеко е нов играч на Фјорентина, соопшти денес италијанскиот клуб.

Џеко (39) потпиша едногодишен договор со тимот од Фиренца, кој автоматски ќе се продолжи за дополнителна година ако се исполнат одредени услови.

Босанскиот напаѓач последните две сезони настапуваше за Фенербахче, за кој минатата сезона одигра вкупно 53 натпревари, постигна 21 гол и запиша осум асистенции.

Пред да пристигне во клубот од Истанбул, меѓу другото, играше и за Интер, Рома, Манчестер Сити и Волфсбург.

Капитен е на репрезентацијата на Босна и Херцеговина, чиј рекордер е и по бројот на настапи (141) и по бројот на постигнати голови (68).

Фото: Принтскрин