Официјално: Аталанта го отпушти Јуриќ, познат е и неговиот наследник!

Она што се зборуваше последниве денови, сега е и официјално – Иван Јуриќ повеќе не е тренер на Аталанта.

Хрватскиот стручњак бележеше резултати под очекувањата, а сето тоа беше крунисано со поразот од Сасуоло во Бергамо од 0:3.

На 15 натпревари оствари само 4 победи и 8 нерешени натпревари, со 3 порази.

Како што пренесуваат италијанските медиуми, познат е наследникот на Јуриќ.

Станува збор за Рафаеле Паладино, поранешен тренер на Монца и Фиорентина. Тој се раздели со „Виола“ летоска поради конфликт со сега веќе поранешниот спортски директор Даниеле Праде. Во Серија А минатата сезона освои дури 65 поени.

Според најновите информации, тој ги финализира последните детали од договорот со Аталанта.