Официјално: Аморим доби отказ!

Рубен Аморим повеќе не е тренер на Манчестер јунајтед, соопшти денеска англискиот гигант.

Португалскиот стратег беше назначен на клупата во ноември 2024 година, а во текот на својот мандат успеа да го одведе тимот до финалето во Лига Европа, кое се одигра во мај во Билбао.

„Црвените ѓаволи“ моментално се наоѓаат на шестата позиција на табелата во Премиер лигата, а раководството на клубот донесе тешка, но неопходна одлука за промена на тренерската позиција, со цел да се зголемат шансите за што е можно подобар пласман до крајот на сезоната.

Од Манчестер јунајтед му се заблагодарија на Аморим за неговиот ангажман и придонес во клубот и му посакаа многу успех во продолжението од кариерата.

До назначувањето на нов шеф на стручниот штаб, тимот привремено ќе го води Дарен Флечер, кој ќе биде на клупата веќе на натпреварот против Барнли, закажан за среда.