Oфицијално: Потврден рекордниот трансфер на Ливерпул!

Веќе пристигнуваат и официјални потврди за рекордниот трансфер на Ливерпул.

Повеќе нема дилеми, Дарвин Нуњез ја напушта Бенфика и се сели во Ливерпул. Португласкиот гигант објави официјално соопштение во кое потврдува дека е постигнат договор со Ливерпул за трансферот на Нуњез.

Ливерпул за услугите на Нуњез ќе плати сума од 80 милиони евра, но таа може да стигне и до 100 преку бонусите. Во текот на денешниот ден Нуњез треба да ги помине медицинските прегледи и да потпише договор до 2028 година.