Вчера се пишуваше дека се договориле со Јаховиќ, а денес објавија дека го купиле Подолски!

Искусниот германски фудбалер Лукас Подолски неодамна го напушти јапонскиот Висел Кобе, кариерата ја продолжи во Турција.

Подолски во јапонскиот клуб помина повеќе од две години, а после истекот на договорот одлучи да се врати во Европа. Овој 34 годишен напаѓач кариерата ќа ја продолжи во турски Анталијаспор.

Анталијаспор денес го потврди трансферот на Подолски. Германскиот фудбалер потпиша договор до летото 2021 година.

Подолски веќе настапуваше во Турција во дресот на Галатасарај каде што помина две сезони, а потоа ја напушти Турција.

Искусниот напаѓач во кариерата играше уште за Баерн, Арсенал и Интер.

Интересно е што во текот на вчерашниот ден турските медиуми на големо пишуваа дека Јаховиќ се договорил со Анталијаспор. Сега не е јасно дали потенцијалниот трансфер на македонскиот напаѓач ќе биде доведен во прашање.