Oгромен проблем за Емери: На Арсенал му недостасуваат осум фудбалери

Во сабота Арсенал ќе го пречека Барнли и на хартија тоа изгледа добра прилика за „топџиите“ да се вратат на победничките патеки.

Арсенал беше во добра серија, а потоа следуваше пораз на гостински терен кај Саутемптон од 3:2 во Премиер лигата, а потоа изгубија и од Тотенхем во Лига Купот (0:2).
Барнли е во опасната зона, таквите противници знаат да бидат незгодни, но би кажале дека Арсенал овој пат нема право на кикс.

Сепак, ова ќе биде тешка задача за Емери. Не затоа што врзаа два порази, туку затоа што шпанскиот стратег ќе има големи проблеми со играчкиот кадар.

Против Барнли Арсенал би можел да биде без дури осум фудбалери. На листата повредени се Дани Велбек, Роб Холдин, Константинос Мавропанос, Емил Смит Ров, Хектор Белерин, Шкодран Мустафи, додека под знак прашалник се Сеад Колашинац и Микхтаријан.

Значи, евидентно е дека најмногу проблеми има во последната линија, но ростерот на Арсенал повторно е широк и сигурно дека Емери ќе пронајде решение за оваа ситуација.