Oва би било сензација: Анечлоти се враќа во Премиер лигата?!

Италијанскиот тренер Карло Анчелоти од следната сезона би можел да се врати во Премиерлигата бидејќи му завршува договорот со Реал Мадрид во јуни идната година.

Еден од најдобрите тренери во историјата не планира да ја напушти Европа, па би можел да се врати на Островот каде што ги тренираше Челзи и Евертон, а негов нов тим би требало да биде Манчестер јунајтед.

Анчелоти се поврзува со гигантот од „Олд Трафорд“, кој нема добри резултати во изминатите две сезони и тренерот Ерик Тен Хаг добива критики.

Иако уште ништо не е официјално, сепак како главен кандидат за замена на Анчелоти во Мадрид е стратегот на Баер Леверкузен, Чаби Алонсо.