Oскар ја напушти Кина, има нов клуб

Бразилецот Оскар се враќа во татковината после пет години поминти во Кина.

Овој 30-годишник стана нов играч на Фламенго. Со овој клуб потпиша договор до јануари наредната година и се прости од Шангај ШИПГ каде што ги помина претходните пет години.

„Ви благодарам на поддршката и љубовта која секогаш ја имав. Се гледаме наскоро“, порача поранешниот бразилски репрезенттивец по заминувањето од Кина.

Оскар некогаш важеше за голем талент на бразилскиот фудбал. Од 2012 година играше одличен фудбал во Челзи, но ги изненади сите ког во 2017 година одлучи да се пресели во Кина.

Тогаш Оскар не можеше да ја одбие понудата од 20 милиони евра по сезона, сега се враќа во татковината откако во тие пет години заработи 100 милиони евра.