Дома Македонски спорт Мак баскет Oдново одложен стартот на кошаркарската прва лига

Oдново одложен стартот на кошаркарската прва лига

Викендов требаше да започнат возбудувањата во македонската кошарка меѓутоа раководството на КФМ донесе одлука за ново одложување на почетокот на сезоната.

Федерацијата се огласи со соопштение кое ви го пренесуваме во целост:

Имајќи ја во предвид целокупната епидемиолошка ситуација во земјата и фактот дека бројот на ново заболени секојдневно се зголемува, раководството на КФСМ донесе одлука за одложување на почетокот на натпреварувачката сезона 2020/2021 во Прва лига-мажи, кој првично беше предвиден да биде овој викенд, односно на 10 и 11. октомври.

Во очекување на комплетните резултати од PCR тестирањето за корона вирусот кое го спроведуваме, а со кое беа опфатени сите клубови од Првата лига-мажи, како и официјалните лица, а поради неможноста да се предвиди временската рамка во однос на евентуалниот почеток на првенството, во овој момент не може да се гарантира дека започнувањето на националниот шампионат би имал регуларен тек.

Во наредниот период, федерацијата ќе ја следи состојбата во нашата држава од здравствен аспект. Во консултации со Комисијата за заразни болести и Институтот за јавно здравје, ќе биде донесена одлука за почетокот на натпреварите од Првата лига-мажи.

Коментари
Прочитајте поврзани статии
Load More In Мак баскет

Проверете

Гечевски потврди: Македонија ќе биде без Нено во Талин

Ненад Димитријевиќ, за жал, нема да биде во можност да биде дел од нашиот национален тим з…