Новото име на стадионот на Евертон е објавено

Евертон во петокот официјално објави дека новиот стадион на клубот ќе го носи името на нивниот спонзор “Хил Дикинсон”.

Фудбалскиот клуб од Ливерпул оваа година го напушта Гудисон и влегува во нова ера на модерен и грандиозен стадион со капацитет од скоро 53.000 места.

Врз основа на договорот, стадионот ќе го носи овој назив за подолг временски период.

Компанијата „Хил Дикинсон“, која започнала со работа во Ливерпул во далечната 1810 година, е правна фирма со канцеларии во Британија, Европа и Азија.