Новиот голман на Барселона не може мирно да спие поради навивачи на Еспањол

За неверојатно кратко време, шпанскиот голман Жоан Гарсија од омилен лик се претвори во мета на гневот на навивачите на Еспањол – клубот каде што ја започна својата професионална кариера пред четири години.

Причината за оваа драстична промена е неговиот трансфер во редовите на еден од најголемите ривали на Еспањол, што ретко се случува во каталонскиот фудбал. Всушност, последен ваков премин се случил во далечната 1994 година, што ја прави одлуката на Гарсија уште поконтроверзна. Иако критиките од навивачите беа очекувани, ситуацијата излезе од контрола и доби сериозна димензија.

Наместо само негативни коментари на социјалните мрежи, голманот бил изложен на директни закани по животот.

Фото: Принтскрин