Новата патека во Формула 1 во Мадрид ќе се вика „Мадринг“

Нова патека на Формула 1 во Мадрид ќе се вика „Мадринг“, соопштија денеска организаторите.

На новата патека во главниот град на Шпанија од следната година ќе се вози трка во шампионатот на Формула 1. Патеката е поставена околу делот од изложбените хали во близина на главниот аеродром во Мадрид, користејќи комбинација од постоечки патишта и специјално изградените делови на патеката.

Организаторите договорија со Формула 1 договор за 10 години, до 2035 година.

Изборот на името „Мадринг“ потсетува на патеката во Австрија Ред Бул Ринг и познатата патека во Унгарија, „Хунгароринг“.

Името има за цел да „воспостави концизен и незаборавен идентитет кој директно упатува на градот домаќин, веднаш препознатлив низ целиот свет и не е потребен превод“, се наведува во соопштението.

Организаторите изјавија дека името треба да го нагласи поврзаноста на патеката со градот Мадрид и дека тоа ќе биде „спектакуларна патека“, слична на оние во Мајами, Абу Даби и Лас Вегас.