Ниту Вирц, ниту Халанд: Мбапе „договара“ голем трансфер за Реал Мадрид

Реал Мадрид е во потрага по засилување на својот тим и на списокот со желби се ѕвезди како Флоријан Вирц или Ерлинг Халанд. Но, едно име се издвојува и изгледа дека со помош на Килијан Мбапе на крајот ќе заврши на Сантијаго Бернабеу.

Францускиот напаѓач, кој веќе блеска на „Сантијаго Бернабеу“, може да биде клучен во ангажирањето на својот сонародник со кој има посебна врска и на теренот и надвор од него.

Рајан Черки, кој има само 21 година, се докажа како фудбалер со истакната техника и голема разновидност. Може да игра како централен фудбалер за врска или на крилни позиции, зашто неговата креативност и способноста да создаде опасност го прават посебен талент.

Оваа сезона, Черки одигра вкупно 952 минути на 16 натпревари, со 11 придонеси во головите, бројки кои го нагласуваат неговото сериозно влијание врз офанзивната игра.