Никој не сака Реал Мадрид да го одобри планот на Винисиус: „Не смеете тоа да го дозволите“

Ѕвездата на Реал Мадрид, Винисиус Жуниор има намера, ако потпише продолжување на договорот, да стане капитен на клубот. Тоа му е најголема желба.

Винисиус Жуниор влегува во последната година од договорот со Реал Мадрид. Информациите од главниот град на Шпанија велат дека договор за продолжување на соработката сè уште нема, но останувањето на Бразилецот е приоритет за претседателот Флорентино Перез.

Меѓутоа, изгледа дека бразилската ѕвезда ќе има уште еден услов за клубот. Тоа е капитенската лента.

“Винисиус Жуниор е ‘луд’ за тоа. Многу сака да стане капитен на Реал Мадрид”, наведува Алберто Переиро.

Таквата опција воопшто не му се допаѓа на навивачите. Сметаат дека поставувањето на Винисиус за капитен дополнително ќе ја подели веќе егоистичната соблекувална, со која Жозе Мурињо ќе мора да се справува во наредните три години.

„Килијан Мбапе тоа нема да го дозволи”, еден е од коментарите, а други навивачи потоа додаваат:

“Ако тој стане капитен, ќе добие право да расправа со судиите. Половина од нашите натпревари ќе бидат исполнети со расправи и плачење на теренот.”

„Навивачите ќе подивеат. Не дозволувајте да се случи ова”, јасни се пораките.