Неста го избра најдобриот: Ван Дајк е моментално број еден

Александро Неста, еден од најдобрите дефанзивци во историјата на фудбалот, изјави дека моментално најдобриот стопер во светот е Вирџил ван Дајк.

Легендарниот Италијанец говореше за актуелните трендови во светскиот фудбал, статусот на Серија А, Милан, но најмногу внимание привлече неговата пофалба за ѕвездата на Ливерпул.

„За мене сега Ван Дајк е најдобриот. Бидејќи секоја година игра на исто ниво. Игра во Премиер лигата – според мене најсилна и најтешка лига на светот – и навистина мислам дека е број еден,“ истакна Неста.

Поранешниот стопер на росонерите сепак верува дека неговиот сакан клуб е на прав пат:

„Милан се враќа. Мислам дека работат добра работа. Ако продолжат вака, за две години би можеле да го освојат Скудетото,“ оптимистичен е Неста.