Нема крај на агонијата на шампионот: Астон вила ги расплака ѕвездите на Гвардиола (Видео)

Манчестер Сити игра катастрофална сезона. Тимот на Пеп Гвардиола реди порази, а денеска „Граѓаните“ на „Вила Парк“ беа совладани од Астон Вила со 2:1.

Од самиот почеток домашниот тим ги притискаше гостите. Ортега во воведните минути спаси неколку зицери и го зачува својот тим.

Меѓутоа, во 16-та минута ништо не можеше да направи кога Џон Дуран постигна гол за 1:0.

Вториот гол Астон Вила го постигна во 65. минута кога Роџерс ја искористи шансата која му се укажа и погоди за 2:0.

На крајот Сити успеа само да ја намали предноста на ривалот. Во надополнувањето постигна гол Фил Фоден за конечни 2:1 во корист на Астон Вила која ја продлабочи кризата на Манчестер Сити.