Некогаш беше главен фудбалер на Италија, сега игра натпревари за У21

Иако неговата кариера сѐ уште не е завршена и е во години кога може да направи големо враќање во фудбалската елита, италијанскиот офанзивец Федерико Киеза со повредите е уништен до таа мера што моментално настапува за У-21 тимот на Ливерпул.

За Федерико Киеза падот не запира. Овој 27-годишен крилен офанзивец, најголемиот талент на неговата генерација во Италија, во последните години постојано опаѓа, а по бројни повреди и кавга во Јувентус, ова лето премина во Ливерпул.

Но, за Црвените одигра само три натпревари. Повредите продолжија и на Енфилд, а во Ливерпул тешко ќе дочека посериозна шанса бидејќи игра на истата позиција како Мохамед Салах, кој е незапирлив оваа сезона.

Додека се опоравува од повредите и седи на клупата во немилост на Салах, Киеза денес игра за У-21 тимот на Ливерпул.

Додека возрасните играчи на Ливерпул играа против Њукасл фантастичен натпревар во Премиер лигата, Киеза играше за У-21 тимот со младинците против Нордсјаеланд и постигна гол за 1:1.

Le But de Chiesa avec les U21 !!!!!

Belle passe D de Tom Hill. https://t.co/52S50D7PC7 pic.twitter.com/1MJHeVJk0M

— 𝗗𝗔𝗥𝗪𝗜𝗭𝗭𝗬 🔎 🇺🇾 (@darwizzyscout) December 4, 2024

Крилниот напаѓач ќе игра за У-21 тимот се додека биде потребно, со цел да се врати во некаква форма, надевајќи се на враќање во сениорскиот тим на Ливерпул, ако му го дозволи телото што е подложно на повреди.

На Киеза сѐ му тргна надолу откако беше еден од најголемите херои во освојувањето на титулата европски шампион со репрезентацијата на Италија во 2021 година. Тогаш Јирген Клоп се обиде да го доведе во тимот на Ливерпул, но тој остана во Јувентус и неговата кариера тргна по надолна линија.