Нејмар го раскинува огромниот договор со Саудијците и се враќа дома?

Бразилската фудбалска ѕвезда Нејмар (32) ќе се врати во својот клуб од детството – Сантос.

Познатиот бразилски новинар Цезар Луис Мерло објави дека трансферот е завршен и дека на крајот на годината Нејмар ќе го раскине огромниот договор со Саудиски Ал-Хилал.

Моментално се опоравува од тешката повреда на коленото, која го мачи веќе некое време.

Според договорот со Ал-Хилал, потпишан во август 2023 година, Нејмар заработува околу 100 милиони евра годишно, а потпиша до 2025 година.

Сигурно нема да добие ни приближно толку пари во Сантос, но повторно ќе може да игра за клубот во кој се прослави.

За Сантос настапи на 177 натпревари и постигна 107 голови.