Не издржа долго: Фудбалерот за кого Манчестер сити плати 30 милиони евра, сака да замине по шест месеци!

Витор Реис, талентираниот 19-годишен дефанзивец, сака да го напушти Манчестер Сити.

Бразилецот оваа година во јануари пристигна во Англија во трансфер вреден 30 милиони евра од Палмеирас.

Поради ограничената минутажа под водство на Пеп Гвардиола, сега има желба да замине на позајмица во клуб каде што би имал повеќе време на теренот.

Во клубот на неговата позиција веќе се наоѓаат Рубен Дијаш, Јошко Гвардиол, Мануел Аканджи, Нејтан Аке, Џон Стоунс и Абдукодир Хасанов, што јасно покажува дека неговите шанси за игра се ограничени.

Англиските медиуми ги спомнуваат Порто и Баер Леверкузен како потенцијални дестинации за Реис.