На гостувањето кај Њукасл, Манчестер Јунајтед доживеа тежок пораз со 4-1, и тоа без својот прв голман Андре Онана, кој беше изоставен од тимот поради серија на неодлучни и несигурни настапи во последно време. Шанса за настап доби Алтај Бајиндир, кој дебитираше во Премиер лигата, но не успеа да се прослави.
Домаќините први го најдоа патот до мрежата – Сандро Тонали го отвори резултатот во 24. минута, носејќи рана предност за Њукасл. Само тринаесет минути подоцна, младиот Алехандро Гарначо го изедначи резултатот на 1-1, што воедно беше и резултатот со кој се замина на пауза.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во второто полувреме, сцената му припадна на Харви Барнс, кој прво во 49. минута му донесе нова предност на Њукасл, а потоа во 64. минута со прецизен и убав удар го зголеми водството на 3-1.
Последниот удар за гостите го зададе Бруно Гимараеш, кој во 77. минута го постави конечниот резултат од 4-1.
Учество во игри на среќа е дозволено за лица со 18+ години. Играј одговорно!