Надал го „стресе“ светот на тенисот: Синер не е единствен кој се допингувал

Поранешниот тренер и чичко на Рафаел Надал, Тони Надал, јавно застана во одбрана на италијанскиот тенисер Јаник Синер по допинг-скандалот што ја потресе тениската сцена.

Контроверзниот шпански стратег повторно предизвика реакции во јавноста, откако изјави дека Синер не е единствениот тенисер кој се соочува со вакви проблеми.

„Навистина сум изненаден што некои играчи му свртеа грб на Синер, дури и оние од самиот врв на светскиот тенис, иако не можам да кажам дека сите тие се целосно чисти. Јас лично го познавам Јаник и убеден сум дека немал намера да направи нешто незаконско. Не е фер кон него да биде осудуван за нешто што можеби било ненамерна грешка, а не свесен обид за предност“, изјави Надал.