Најголемиот киксер меѓу голманите пред нов ангажман во кариерата

Германскиот голман, 31-годишниот Лорис Кариус, од јули минатата година е без клуб откако ги напушти редовите на англискиот Њукасл, а се чини дека почетокот на 2025 година за него е среќен.

Според пишувањата на германските медиуми, Кариус е многу блиску до потпишување договор со Шалке каде би имал улога на втор голман.

Поточно, во тимот од Гелзенкирхен бараат замена за Рон-Торбен Хофман, првиот голман на екипата.

Кариус треба да потпише договор на една и пол година, односно до летото 2026 година, а од потпишувањето го делат само лекарските прегледи.

По напуштањето на Њукасл, многу луѓе го заборавија овој голман, додека некои веројатно мислеа дека ја завршил кариерата.