Можноста за враќање на Жозе Мурињо во Реал Мадрид повторно стана една од главните теми на европскиот фудбал, а информациите кои доаѓаат од Шпанија велат дека меѓу славниот тренер и претседателот на клубот се одржал многу сериозен разговор. Тоа што особено привлече внимание се барањата кои Португалецот наводно ги поставил пред евентуалното прифаќање на враќање на „Сантјаго Бернабеу“.
Зошто проблемот со улични кучиња СÈ УШТЕ постои? | Уште еден поткаст
Иако многумина би очекувале дека главната тема ќе бидат финансиските услови и висината на договорот, шпанските медиуми тврдат дека Мурињо воопшто не инсистирал на пари, туку на многу посериозни работи кои се однесуваат на целокупното функционирање на клубот.
Португалецот наводно бара целосна реорганизација на спортскиот сектор, значајни промени во медицинскиот оддел и апсолутна контрола над дисциплината во тимот.
Покрај тоа, Мурињо сака многу поголемо влијание во донесување на клучните одлуки отколку што го имаше за време на неговиот прв мандат во Мадрид, бидејќи смета дека токму внатрешните проблеми и политиката во клубот го обележале крајот на неговиот претходен период на Бернабеу.
Учество во игри на среќа е дозволено за лица со 18+ години. Играј одговорно!