Модриќ oрганизирал вечера за фудбалерите на Реал во својата вила, една од најголемите ѕвезди на тимот не била повикана

Хрватскиот фудбалер Лука Модриќ, според шпанските медиуми, организирал вечера во својот дом за сите играчи на Реал, непосредно пред завршницата на сезоната во Примера!

„Кралевите“ во недела попладне ги чека Ел Класико со Барселона и мораат да победат ако сакаат да останат во трка за освојување на титулата, а поради тоа Модриќ одлучи да го собере тимот за да ја обноват меѓусебната доверба..

Меѓутоа, на таа вечера, како што тврди “Дон Балон”, немало место за Бразилецот Винисиус Жуниор, еден од најдобрите играчи на клубот. Причината е што Вини наводно има лоши односи со поголемиот дел од тимот и играчите му замеруваат за лош став, егоизам и токсично однесување.

Се додава и дека и Модриќ наводно ги разладил односите со него, а не го поканиле ни останатите затоа што едноставно повеќе не му веруваат.