„Скај Спорт Италија“ објави дека иднината на Модриќ зависи од четири фактори. Првиот фактор е проценката на неговата физичка подготвеност, бидејќи сака да биде сигурен дека може да ја задржи сегашната форма на игра. Останатите три услови директно се насочени кон управата и го дефинираат спортскиот проект во кој Модриќ е подготвен да вложи уште една сезона од кариерата.
Како основен услов е поставен пласманот во Лигата на шампионите. На тоа се надоврзува и барањето за гаранција за клупските амбиции. Модриќ бара Милан во текот на летото да вложи во засилувања и да создаде тим способен за борба за титулата првак на Италија и за позначајна улога во Лигата на шампионите.
Последниот, и многу важен услов, е останувањето на тренерот Масимилијано Алегри.
Учество во игри на среќа е дозволено за лица со 18+ години. Играј одговорно!