Moдриќ брзо донел одлука за изненадувачката понуда од Реал

Во текот на вчерашниот ден се појави информација за изненадувачката понуда од Реал Мадрид до Лука Модриќ да биде дел од стручниот штаб на „кралевите“ (ТУКА), сепак тоа изгледа нема да се случи.

Денеска шпанските медиуми пренесуваат дека Модриќ донел одлука и ќе ја одбие ваквата понуда затоа што нема намера да ја заврши кариерата.

Хрватскиот фудбалер пред себе има понуди од МЛС и Саудиска Арабија, а познато е и зошто Модриќ сака да продолжи да биде активен на терените и на 38 години.

Модриќ има желба да биде дел од репрезентацијата на Хрватска на Светското првенство во 2026 година, а потоа би можел да се пензионира. Ваквата желба на Модриќ би значела дека ќе го гледаме на терените уште најмалку две сезони.