Mногу емоции во Мадрид, Модриќ се збогуваше во солзи – тука беше и Крос да го испрати! (Видео)

Лука Модриќ се прости од Сантијаго Бернабеу и навивачите на Реал Мадрид. Во неговиот последен натпревар на легендарниот мадридски стадион, Модриќ и неговиот Реал го победија Реал Сосиедад со резултат 2:0. Двата гола за Кралскиот клуб ги постигна Килијан Мбапе. Модриќ по завршувањето на сезоната ја напушта екипата на Реал, завршувајќи ја својата 13-годишна кариера во која стана најтрофеен играч во историјата на клубот.

Од клубот се збогува и Карло Анчелоти, кој го извади Модриќ од игра во 86. минута, момент кога трибините на Сантијаго Бернабеу експлодираа од емоции, а играчите на двата тима формираа шпалир. Најстрастните навивачи го почестуваа Модриќ целиот натпревар, а кога последен пат тргна кон клупата, овациите не престануваа. Во Мадрид со него се прости и Тони Кроос.

TONI KROOS AL FINAL ABRAZANDO A LUKA MODRIC 😭😭😭😭😭 pic.twitter.com/TMegL4Mevs

— MT2 (@madrid_total2) May 24, 2025