Милан фаворит за потписот на Вокер

Како „бомба“ одекна веста дека капитенот на Манчестер Сити, Кајл Вокер побарал да го напушти клубот во зимскиот преоден рок.

Гвардиола потврди дека Вокер побарал од клубот да замине, бидејќи сака нова авантура во друга држава и во друг шампионат.

Според Телеграф, фаворит за потписот на 34-годишниот играч е Милан, од каде се уверени дека ќе успеат да го привлечат. Се уште не е пристигната понуда за Вокер, чиј договор истекува за година и половина, но Росонерите веќе започнале преговори.

Според италијанскиот новинар Матео Морето, клубот има намера да го земе бесплатно, нудејќи му високо платен договор. Нивниот интерес за англискиот репрезентативец не е изненадувачки со оглед на истекот на договорот на нивниот капитен Давиде Калабрија, и неубедливите настапи на летното засилување Емерсон Ројал.

Интересно, гигантот од Милано преговара и со Манчестер Јунајтед околу трансферот на Маркус Рашфорд.

Man City captain Kyle Walker asks to leave with AC Milan front of the queue

✍️ @TelegraphDucker @mcgrathmike#TelegraphFootball #MCFC #SempreMilan

— Telegraph Football (@TeleFootball) January 11, 2025