Мерцедес по заминувањето на Хамилтон менува долгогодишна традиција: Не сакаме веќе да смрзнуваме

Мерцедес одлучи да ја прекине долгогодишната традиција на претставување на своите нови болиди на патеката Силверстоун, како што дознава „Motorsport“.

Наместо тоа, новиот W16, кој ќе го возат Џорџ Расел и дебитантот Андреа Кими Антонели, првпат ќе се појави на патеката Бахреин Интернешнл Серкит на 25 февруари.

Филмскиот ден во Бахреин ќе претходи на предсезонското тестирање, кое е закажано за периодот од 26 до 28 февруари.

Според правилата, тимовите за време на промотивните настани смеат да поминат до 200 километри, што им овозможува на Расел и Антонели да поделат до 36 кругови на патеката во Сахир.

Мерцедес од 2017 година скоро секогаш ги лансираше своите болиди во Силверстоун, освен W12 во 2021 година.

„Секогаш врне дожд во Силверстоун, па решивме дека повеќе не сакаме да стоиме на дожд и да се смрзнуваме!“ се пошегува шефот на тимот Тото Волф.