Мбапе доби нов прекар во редовите на Реал Мадрид

Француската фудбалска ѕвезда Килијан Мбапе која воодушевува на секој натпревар, сега доби нов прекар во Реал Мадрид

Мбапе доби нов прекар во Реал Мадрид – „Мбапепинацо“. Овој прекар го опишува неговото неверојатно умеење да постигнува голови со силни и прецизни удари надвор од шеснаесетникот. Прекарот се појави по „бомбата“ што ја постигна против Севиља во последното коло пред зимската пауза.

Според „Дефенса Сентрал“, „Мбапепинацо“ веќе стана популарен меѓу неговите соиграчи, и сигурно ќе го слушаме уште многу пати. Додајте го овој израз во вашиот речник, затоа што Мбапе дефинитивно се погрижи за неколку спектакуларни голови кои ќе останат во сеќавањето.