Мата: Работиме на тоа да бидеме на местото на Реал од минатата сезона

Шпанецот кој го носи дресот на Манчестер Јунајтед, Хуан Мата на денешната прес конференција не криеше дека задоволство му е што ќе игра против екипата во која што ги имаше своите почетоци. Мата никогаш не заигра за Реал, но и покрај тоа имаше пофални зборови за тимот од престолнината на Шпанија.

„Противникот секако дека сакаме да го совладаме. Тие се одличен тим, што потврдува и фактот дека се европски шампиони. Ние се стремиме да бидеме онаму каде што изминатата сезона беше Реал.Секој трофеј е значаен за нас, ние постојано работиме и се трудиме“, истакна Мата на денешната прес конференција.