Манчестер Сити го „прегази“ Ливерпул

Манчестер Сити убедливо со 3:0 славеше над Ливерпул во дербито од 11-то коло од Премиер лигата.

Од самиот старт „граѓаните“ тргнаа фуриозни и уште во почетните минути беше досуден пенал после фаулот над Доку во казнетиот простор.

Меѓутоа, Халанд не успеа да го совлада Мамардашвили од белата точка. Само неколку минути подоцна Норвежанецот погоди за водство од 1:0. До крајот на полувремето Нико со удар од далечина зголеми на 2:0.

Во второто полувреме Сити беше подобар и создаде неколку шанси, а конечните 3:0 беа дело на Доку.