Maрота во свој стил: Интер договори бесплатно засилување од Наполи

Бепе Марота како што работеше во Јувентус, така продолжи и во Интер да пронаоѓа одлични слободни фудбалери со кои го засилува титумот.

Италијанските медиуми пренесуваа дека Интер преговара со неколку фудбалери на кои им истекуваат договорите на крајот од сезоната, а првиот кој дефинитивно прифатил е Полјакот од редовите на Наполи, Пјотр Зјелински.

Зјелински веќе подолг период се поврзуваше со Интер, се споменуваше и Јувентус, но и клубови од Премиер лигата. На крајот „Нероаѕурите“ победија во трката и го доведоа на четири години со плата од 4.5 милиони евра по сезона, плус бонуси.

Преддоговор со Интер според најавите по завршувањето на Купот на Азија треба да потпише и Мехди Тареми на кого му завршува договорот со Порто.