Maкедонските клубови домашните натпревари од евроквалификациите ќе ги играат на Кипар?

Од УЕФА не пристигнуваат добри вести за македонските клубови кои ќе играат во Европа.

Имено, клубовите од овој регион кои ќе играат во квалификациите за Лигата на шампионите и Лигата на Европа натпреварите нема да ги играат на свој терен.

Ваквата одлука е донесена пораи неповолната ситуација со коронавирусот и неговото ширење во балканските земји.

Според информациите на „Спортски Журнал“ клубовите од Македонија, Србија, Црна Гора, Албанија и Босна домашните натпревари во квалификациите ќе ги играат на Кипар.

Наводно од Кипар веќе доставиле гаранции дека се подготвени да ги отстапат стадионите и сета своја логистичка поддршка за да ги организираат европските натпревари.