Дома Македонски спорт Мак баскет Maкедонија во Талин ќе игра пред публика

Maкедонија во Талин ќе игра пред публика


Квалификациските натпревари од групата„Б“ за пласман на Евробаскетот во 2022 година, кои се планирани да се играат во периодот од 28. до 30. ноември, ќе се играат со присуство на публика.

Иако здравствените прилики во Европа, но и во целиот свет, се далеку од идеални, во последно време е забележан е пораст на заразени со коронавирусот, организаторот на „балонот“ во Талин, доби дозвола од ФИБА, мечевите да бидат со присуство на гледачи.

Секако, со строго контролиран протокол кој вклучува задолжително носење на заштитни маски на сите присутни во салата „Саку Сурхал“ во Талин. Контролирани влегување во објект на комплетно прегледани посетители, и соодветен простор за хендикепирани лица.

Кошаркарската федерација на Естонија ги објави и цените на билетите за натпреварите. Ќе се продаваат одвоено, односно за секој од предвидените четири натпревари на турнирот.

Па така, влезниците за средбата Италија-Македонија, која ќе се игра на 28. ноември (сабота), ќе чинат од 9. до 11. евра.

Очекувано, многу поскапи ќе бидат оние за мечот во кој домаќинот, Естонија ја пречекува селекцијата на Русија. Цените на билетите се движат од 25.80 до 40.80 евра.

Слична е и ситуацијата за вториот натпреварувачки ден на собирот во Талин. За средбата Русија-Италија ќе се плаќа од 16.80 до 30.80 евра, додека нашиот најважен натпревар за време на турнирот, оној со Естонците ќе може да се гледа „во живо“, ако се плати од 25.80 до 40.80 евра.

Коментари
Прочитајте поврзани статии
Load More In Мак баскет

Проверете

Гвардиола добива 225 милиони за засилувања

Пеп Гвардиола на крајот на сезоната ќе добие голем буџет за трансфери, а целта е да го зас…