Mихајловиќ им испратил порака на фудбалерите на Болоња по ремито со Милан

Болоња вчера успеа да одигра 0:0 против Милан во Серија А.

Гостинскиот тим храбро се бореше на „Сан Сиро“ и на крајот успеа да ја зачува својата мрежа и покрај 33-те удари кои ги имаше Милан. После натпреварот до фудбалерите се обратил тренерот Синиша Михајловиќ кој е во болница поради втората борба со леукемијата.

„Синиша разговараше со екипата после натпреварот, се слушнавме преку видео-повик. Беше задоволен од прикажаното, тој е горд и среќен за тоа што го прикажавме. Ни порача да не се откажуваме во ниту еден момент и да се бориме како што тој се бори“, изјави по натпреварот Емилио Де Лео еден од помошниците на Михајловиќ.

Ќе потсетиме Михајловиќ мораше да оди повторно на лекување откако му се врати леукемијата.