Луис Хамилтон бара 55 милиони евра годишно!

Сe уште не е познато каде ќе вози Луис Хамилтон по истекот на неговиот договор со Мерцедес оваа година.

Иако се чинеше дека скоро сигурно ќе ја продолжи соработката со Мерцедес, преговорите се искомплицирале последниве денови, пренесува италијанскиот весник „Кориере дело Спорт“.

Британскиот возач бара од Мерцедес четири годишен договор и годишна плата од дури 55 милиони евра во однос на 42-те што тој во моментов ги заработува.

Тимот од Штутгарт размислува поинаку и се подготвени да му понудат на актуелниот шампион во Формула 1 двегодишен договор, што е разбирливо со оглед на тоа што искусниот возач има 35 години.

Во Ферари веќе се одлучија за Чарлс Леклерк, а во Ред Бул за Макс Верстапен откако потпишаа нови долгорочни договори, па на Хамилтон и Мерцедес не и преостанува ништо друго туку некако да најдат заеднички јазик.