Ливерпул со јасна порака до Барселона: Кога Бруно вреди 100 милиони евра, тогаш толку вреди и Дијаз!

На релацијата меѓу Луис Дијаз и Барселона се појавија најнови вести – спортскиот директор Деко е негов голем обожавател, дури има близок контакт со агентот на играчот, но Каталонците не можат да ги исполнат финансиските барања на Ливерпул.

Ова го откри познатиот каталонски новинар Гилем Балаг, кој ја раскажа актуелната ситуација. 

“Деко е во добри односи со агентот на Луис Дијаз и Барселона навистина го почитува Колумбиецот, посебно затоа што имаат потреба да се засилат на левото крило. Но, тие се спремни да понудат меѓу 40 и 60 милиони евра. Од Ливерпул добија ваков одговор: ако Манчестер Јунајтед бара 100 милиони евра за Бруно, тогаш толку треба да биде и вредноста на Луис Дијаз. Барса нема толку средства и за нив е многу тешко да дадат повеќе од предложените 60 милиони. Со други зборови, ова за нив е невозможна мисија”, изјави Балаг.