Ливерпул го договори првиот од двајцата дефанзивци

Ливерпул е на чекор до официјализирање на трансферот на талентот на Парма Џовани Леони.

Според Николо Скира, „црвените“ ќе платат за 18-годишниот централен одбранбен играч 35 милиони евра. „Дуковите“ ќе добијат и 10% од сумата од евентуална негова идна продажба.

Самиот фудбалер веќе се договорил со „црвените“ за своите лични услови. Бен Џејкобс додава дека зделката ќе биде финализирана во следните 24 часа.

Истовремено, Ливерпул продолжува да преговара со Кристал Палас за ангажирање на капитенот на „орлите“ Марк Геи. „Црвените“ веруваат дека можат да го добијат англискиот репрезентативец за само 35 милиони фунти, охрабрени од признанието на сопственикот Стив Периж дека Палас треба да размисли за продажба на Геи ова лето, доколку тој не потпише нов договор со клубот.